Lið vikunnar í enska - Kante og Salah í liðinu

Hugo Lloris (Tottenham) - Franski heimsmeistarinn hélt hreinu í sigri gegn Leicester á laugardagskvöld.

César Azpilicueta (Chelsea) - Alvöru frammistaða í 2-0 sigri gegn Englandsmeisturunum.

James Tarkowski (Burnley) - Miðvörðurinn skoraði eina markið í 1-0 sigri gegn Brighton.

David Luiz (Chelsea) - Skoraði annað mark Chelsea gegn City.

Lucas Digne (Everton) - Skoraði frábært aukaspyrnumark og bjargaði stigi fyrir Everton gegn Watford.

Lucas Torreira (Arsenal) - Þvílíkur happafengur fyrir Arsenal. Skoraði laglegt sigurmark gegn Huddersfield.

N'Golo Kante (Chelsea) - Frábær gegn City. Skoraði í leiknum.

Dele Alli (Tottenham) - Skoraði gegn Leicester en burt séð frá markinu var hann geggjaður í leiknum.

Son Heung-min (Tottenham) - Með mark og stoðsendingu.

Mohamed Salah (Liverpool) - Fékk að eiga boltann eftir þrennu í 4-0 sigri gegn Bournemouth.

Marcus Rashford (Man Utd) - Flottur í flottri frammistöðu United gegn Fulham. Skoraði eitt af mörkunum í 4-1 sigri.