Leicester staðfestir grun um smit í leikmannahópnum

Þrír leikmenn enska úrvalsdeildarliðsins Leicester eru komnir í sóttkví eftir að þeir fengu einkenni kórónaveirunnar. Brendan Rodgers, stjóri Leicester, staðfesti þetta á fréttamannafundi rétt í þessu.

Aukin pressa er á ensku úrvalsdeildina að fresta leikjum frekar en að leika fyrir luktum dyrum, eins og gert hefur verið á Spáni og Ítalíu.

„Þessi leikur snýst um leikmennina og stuðningsmennina. Ef það vantar annan hópinn þá er þetta ekki sami leikur," segir Rodgers.