Luiz er 34 ára gamall og hefur verið án félags síðan í sumar er samningur hans við Arsenal rann út.

Hann á magnaðan feril að baki í Evrópu þar sem hann hefur spilað með liðum á borð við Benfica, Chelsea, Paris Saint-Germain og Arsenal.

Nú er Luiz mættur aftur heim til Brasilíu og mun spila með Flamengo út 2022.

Hann er annar leikmaðurinn sem kemur úr úrvalsdeildinni en Manchester United lánaði Andreas Pereira til Flamengo á dögunum og þá samdi Willian við Corinthians.