Fór heim af Anfield með óbragð í munni - „Skaðar deildina meira og meira“

Borði á Anfield í gær.

Mynd: EPA

John Cross, íþróttastjóri Mirror.

Mynd: Fótbolti.net - Guðmundur Aðalsteinn Ásgeirsson

Fór heim af Anfield með óbragð í munni - „Skaðar deildina meira og meira“

Mynd: EPA

Borði á Anfield í gær.

Mynd: EPA

„Manchester City farsinn skaðar orðspor og heiðarleika ensku úrvalsdeildarinnar," skrifar John Cross, íþróttastjóri dagblaðsins Mirror.

Cross var á Anfield í gær þar sem Manchester City vann 3-0 útisigur á Liverpool í sínum fyrsta leik eftir að félagið var fundið sekt um alvarleg fjárhagsbrot.

TENGT EFNI12.10.26 - 08:19

Bananarnir merki um stuðning við Man City á erfiðum tímum

„Það hefur svo mikið hefur verið rætt og ritað um Manchester City. En ég held að enginn hafi getað spáð fyrir um hvernig okkur myndi líða í raun fyrr en eftir að fyrsti leikur City eftir dóminn yrði leikinn. Frá mínu sjónarhorni fór ég frá Anfield á sunnudagskvöldið og fannst ég gjörsamlega svikinn af því sem ég hafði orðið vitni að. City var frábært. En hvað þýðir það í raun og veru? Eftir nokkrar vikur gæti það þýtt alls ekkert," segir Cross.

„Enska úrvalsdeildin þarf að úthluta refsingunni núna. Já, jafnvel á meðan áfrýjunin stendur yfir. Óháða nefndin dæmdi City sekt. City er að áfrýja. En þessi óvissa má ekki halda áfram mikið lengur. Ég er orðinn leiður á þeim sem reiða sig á þessa „áfrýjunar“ afsökun til að fá að tjá sig frjálslega. Þeir hafa verið fundnir sekir."

Manchester City er ósigrað á toppi deildarinnar og gæti staðið uppi sem sigurvegari þetta tímabilið.

„Eigum við að strika út allt tímabilið úr metabókunum? Aðdáendur eyða háum fjárhæðum og bera miklar tilfinningar við að horfa á leiki í deildinni. En þeir sitja þeir uppi með fleiri spurningar en svör. Og þetta snýst ekki bara um leik Liverpool við Manchester City. Þetta snýst líka um sigur Brighton á Sunderland. Þetta snýst um sigur Crystal Palace á Nottingham Forest. Af hverju? Vegna þess að þau spila öll í sömu deild. Öll 20 liðin eru dregin inn í þetta."

„Ég viðurkenni að ég vissi ekki alveg hvernig mér myndi líða á Anfield í gær. Mig grunar að margir hafi líklega upplifað það sama. Mun fleiri gætu hafa fundið fyrir reiði."

„Enska úrvalsdeildin er gríðarleg útflutningsvara fyrir landið. Hún er ferðamannaiðnaður. Útsendingaréttindi erlendis eru margra milljarða punda dæmi. Deildin er gríðarlega mikilvæg fyrir England. En það er verið að skaða heiðarleika og orðspor hennar meira og meira með hverjum degi. Fótboltinn hefur verið skilinn eftir í óvissu," segir John Cross.

John Cross, íþróttastjóri Mirror.

Mynd: Fótbolti.net - Guðmundur Aðalsteinn Ásgeirsson

Mynd: EPA

TENGT EFNI30.09.26 - 11:00

John Cross: Hversu barnalegur var ég?

Premier league - karlar

#	Lið	L	mun	Stig
1	Man City	6	+11	18
2	Arsenal	6	+5	15
3	Brighton	6	+13	13
4	Brentford	6	+6	10
5	Everton	6	+3	10
6	Chelsea	6	+2	10
7	Leeds	6	+3	9
8	Hull City	6	+2	9
9	Liverpool	6	0	9
10	Ipswich Town	6	-3	9
11	Newcastle	5	0	8
12	Crystal Palace	6	-3	7
13	Man Utd	6	0	6
14	Nott. Forest	6	-3	5
15	Aston Villa	6	-5	5
16	Sunderland	6	-6	4
17	Bournemouth	6	-6	3
18	Tottenham	6	-6	3
19	Coventry	5	-9	3
20	Fulham	6	-4	2