Grótta er búið að styrkja sig með tveimur leikmönnum fyrir komandi átök næsta sumars í Inkasso-deildinni.
Óliver Dagur Thorlacius er kominn til félagsins eftir að hafa átt frábært tímabil í 2. deildinni þar sem hann skoraði 11 mörk í 21 leik. Hann gerði einnig tvö mörk í tveimur bikarleikjum og var valinn efnilegastur í 2. deild í vali fyrirliða og þjálfara.
Óliver er miðjumaður fæddur 1999 og var á láni frá KR í sumar en er nú alfarið orðinn leikmaður Gróttu.
Bjarki Leósson er einnig genginn til liðs við félagið en hann er fæddur 1998 og kemur á láni frá KR. Hann getur leikið sem vinstri bakvörður og miðvörður og lék 15 leiki með Selfossi í Inkasso-deildinni í sumar.
Athugasemdir