Það eru tveir leikir á dagskrá í Afríkukeppninni í dag. Mótið hefur hingað til ekki verið mjög skemmtilegt, allavega hefur fótboltinn ekki verið mikið fyrir augað.
Í dag eiga heimamenn í Kamerún leik gegn Eþíópíu. Kamerún byrjaði mótið á sigri gegn Búrkína Fasó og stefnir liðið eflaust á að fylgja því á eftir í dag.
Leikur Kamerún og Búrkína Fasó er hingað til eini leikur mótsins þar sem meira en eitt mark hefur verið skorað. Sá leikur endaði með 2-1 sigri Kamerún.
Svo er leikið í sama riðli seinna um daginn - klukkan 19:00 - þegar Grænhöfðaeyjar mæta Búrkína Fasó. Grænhöfðaeyjar lögðu Eþíópíu að velli í fyrstu umferð riðlakeppninnar, 1-0.
Leikirnir eru sýndir á Viaplay.
fimmtudagur 13. janúar
16:00 Kamerún - Eþíópía
19:00 Cape Verde - Burkina Faso
Athugasemdir