Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   mán 13. maí 2024 09:00
Hafliði Breiðfjörð
Inní búri úr gleri og stáli á rauðu spjaldi
Arnar Gunnlaugsson í stúkunni í leiknum í gær.
Arnar Gunnlaugsson í stúkunni í leiknum í gær.
Mynd: Fótbolti.net - Hafliði Breiðfjörð
Arnar Gunnlaugsson þjálfari Víkings tók út leikbann þegar FH kom í heimsókn í toppslag í Bestu-deild karla í gær eftir að hafa fengið að líta rauða spjaldið gegn HK á dögunum.

Lestu um leikinn: Víkingur R. 2 -  0 FH

Fræg var sagan frá síðustu leiktíð þegar hann tók út leikbann á Hlíðarenda gegn Val í stöðugu símasambandi á meðan leik stóð. Eitthvað sem varð til þess að reglur KSÍ voru gerðar skýrari. Núna er það stranglega bannað.

Að þessu sinni hafði Arnar ekkert samband við aðstoðarmenn sína á bekknum heldur kom hann sér fyrir í lokuðu rými efst í stúkunni við hlið vallarþularins í Víkinni.

Svo vitnað sé í hina mögnuðu hljómsveit Mannakorn í laginu 'Á rauðu ljósi', þá sat hann þarna inni í búri úr gleri og stáli enda á rauðu spjaldi.

Á myndunum er Arnar að fylgjast með leiknum í búrinu.
Athugasemdir
banner
banner