Hinn nítján ára gamli Hákon Arnar Haraldsson er í byrjunarliði Íslands gegn Ísrael en Ísak Bergmann Jóhannesson byrjar á bekknum. Það er eina breytingin ef miðað er við leikinn gegn Albaníu fyrir viku síðan.

Mikael Anderson er utan hóps vegna meiðsla.

Ef Ísland tapar í kvöld er möguleiki strákanna okkar á því að enda í efsta sæti riðilsins, og komast þar með upp í A-deild, horfinn. Aðeins þrjú lið eru í riðlinum þar sem Rússlandi var meinuð þátttaka vegna innrásarinnar í Úkraínu. Rússar falla sjálfkrafa niður í C-deild og hin liðin því örugg.