banner
   mán 13. júní 2022 23:29
Brynjar Ingi Erluson
Óvænt hetja er Ástralía tryggði sæti sitt á HM - Þjálfarinn leitaði í smiðju Van Gaal
Ástralía er komið á HM
Ástralía er komið á HM
Mynd: EPA
Ástralía er komið áfram á HM í Katar eftir að hafa unnið Perú í vítaspyrnukeppni. Varamarkvörður Ástrala var óvænt hetja liðsins í vítakeppninni.

Eftir nokkuð jafnan leik í umspilinu var markalaust þegar flautað var leiksloka.

Ekkert var skorað í framlengingunni en undir lok hennar ákvað Graham Arnold, þjálfari Ástrala, að gera breytingu.

Matty Ryan, markvörður liðsins, fór af velli og Andrew Redmanye kom inn í hans stað. Sannkölluð Louis van Gaal skipting en það muna flestir eftir því er hann skipti Jasper Cillessen af velli og setti Tim Krul inná í vítaspyrnukeppninni gegn Kosta Ríka í 8-liða úrslitum HM fyrir átta árum.

Sú skipting gekk fullkomlega upp og tryggðii Krul Hollendingum í undanúrslit og var niðurstaðan eins í kvöld.

Redmayne varði sjöttu spyrnu Perú og tryggði þannig Áströlum inn á HM.
Athugasemdir
banner
banner
banner
banner
banner