Endurkomusigur hjá Þrótti
Jordan byrjar vel með Ægi.
Úrslit hafa borist úr þremur síðustu leikjum kvöldsins í Lengjubikar karla, þar sem Þróttur R. tók á móti Fjölni í A-deild og tókst að sigra undir lokin.
Fjölnir tók forystuna með marki frá Óskari Degi Jónassyni í fyrri hálfleik en staðan var 1-1 í leikhlé og hélst þannig þar til á lokakaflanum. Þá tókst heimamönnum að skora tvö mörk til að innsigla 3-1 sigur.
Það voru mörk frá Hlyni Þórhallssyni, Benoný Haraldssyni og Viktori Andra Hafþórssyni tryggðu Þrótti sigur. Þróttur er með sex stig eftir tvær fyrstu umferðirnar á meðan Fjölnir situr eftir án stiga.
Í B-deild Lengjubikarsins skoraði Jordan Adeyemo þrennu fyrir Ægi á útivelli gegn Augnablik. Ægismenn unnu þægilegan 1-4 sigur á meðan Kári tók á móti Árbæ.
Heimamenn komust í fjögurra marka forystu á Akranesi áður en Jordan Chase Tyler minnkaði muninn fyrir gestina úr Árbæ.
Það dugði þó ekki til og urðu lokatölur 5-2 fyrir Kára. Liðin áttust öll við í fyrstu umferð í B-deildinni.
Þróttur R. 3 - 1 Fjölnir
0-1 Óskar Dagur Jónasson ('11)
1-1 Hlynur Þórhallsson ('34)
2-1 Benoný Haraldsson ('81)
3-1 Viktor Andri Hafþórsson ('90)
Augnablik 1 - 4 Ægir
0-1 Jordan Adeyemo ('9 )
0-2 Jordan Adeyemo ('43 )
0-3 Jordan Adeyemo ('62 )
1-3 Júlíus Óli Stefánsson ('67 )
1-4 Bjarki Rúnar Jónínuson ('89 )
Kári 5 - 2 Árbær
1-0 Máni Berg Ellertsson ('6 )
2-0 Matthías Daði Gunnarsson ('10 )
3-0 Finnbogi Laxdal Aðalgeirsson ('32 )
4-0 Sveinn Svavar Hallgrímsson ('49 )
4-1 Jordan Chase Tyler ('65 )
4-2 Jordan Chase Tyler ('84 )
5-2 Matthías Daði Gunnarsson ('93 )
Athugasemdir
