Fá leyfi til að spila í Egilshöll
Nýliðar KV hafa fengið keppnisleyfi í 1. deild karla í sumar en þetta varð ljóst eftir fund leyfisráðs KSÍ síðdegis í dag.
KV fær aðlögun hvað varðar skilyrði um unglingastarf en þetta staðfesti Páll Kristjánsson annar af þjálfurum liðsins við Fótbolta.net í dag.
Gervigrasvöllur hefur verið heimavöllur KV en hann er ekki löglegur í 1. deild. Félagið fær því keppnisleyfi þar sem stefnt er á að heimaleikirnir fari í Egilshöll.
KV fær aðlögun hvað varðar skilyrði um unglingastarf en þetta staðfesti Páll Kristjánsson annar af þjálfurum liðsins við Fótbolta.net í dag.
Gervigrasvöllur hefur verið heimavöllur KV en hann er ekki löglegur í 1. deild. Félagið fær því keppnisleyfi þar sem stefnt er á að heimaleikirnir fari í Egilshöll.
,,Við fáum samþykki út á að við spilum í Egilshöll. Við erum komnir með grunn sem við getum unnið út frá. Í versta falli spilum við í Egilshöll en það er engin óskastaða," sagði Páll Kristjánsson þjálfari.
Þar með er útlit fyrir að tvö félög leiki innandyra í 1. deild í sumar en HK mun spila heimaleiki sína í Kórnum.
Athugasemdir
