Norski framherjinn Erling Braut Haaland hefur nú skorað flest mörk fyrir Manchester City á einu tímabili en þetta met bætti hann í kvöld er hann skoraði fimm mörk í 7-0 sigri liðsins á RB Leipzig í 16-liða úrslitum Meistaradeildar Evrópu.
Haaland hefur verið í ham á sínu fyrsta tímabili með Man City en hann skoraði fimmtu þrennu sína á tímabilinu og það í fyrri hálfleiknum á móti Leipzig.
Hann gerði síðan tvö mörk til viðbótar. Hann er því kominn með 39 mörk á einu tímabili og er það nýtt met hjá Manchester City.
Tommy Johnson átti metið frá 1929 en hann skoraði 38 mörk í 39 leikjum á því tímabili.
Haaland er kominn með 39 mörk og enn tveir mánuðir eftir af tímabilinu.
Haaland breaks the club record for most goals scored in a single season.
— Manchester City (@ManCity) March 14, 2023
It's March.
Athugasemdir