Einkunnir úr úrslitaleiknum: Torres hetjan - Messi og Enzo fá falleinkunn

Sky Sports gaf leikmönnum einkunnir fyrir frammistöðu sína í leik Spánar og Argentínu í úrslitum á HM. Spánn stóð uppi sem sigurvegari eftir mark frá Ferran Torres í upphafi seinni hálfleiks framlengingarinnar.

Hann var valinn maður leiksins og fær átta í einkunn eins og Pedro Porro.

Enzo Fernandez fékk tvö gul spjöld undir lok venjulegs leiktíma og fékk aðeins tvo í einkunn. Leandro Paredes kom inn á í hálfleik og nældi sér í spjald nokkrum mínútum síðar. Hann lenti síðan í slagsmálum eftir leikinn og fékk rautt, hann fær einnig tvo.

Lionel Messi og Julian Alvarez áttu mjög erfitt uppdráttar en Argentína náði ekki neinu skoti á markið. Þeir fá báðir falleinkunn. Emiliano Martínez hafði nóg að gera í markinu og fær átta.