Það var fjörugur leikur þegar Fylkir og KR áttust við í undanúrslitum Lengjubikarsins í Árbænum í kvöld.

Stefán Árni Geirsson kom boltanum í netið snemma leiks en markið var dæmt af vegna rangstöðu. Stuttu síðar kom Ragnar Bragi Sveinsson Fylkismönnum yfir með glæssilegu marki beint úr aukaspyrnu.

Theodór Ingi komst einn í gegn eftir hálftímaleik en skotið beint á Halldór í marki KR. Stuttu síðar jafnaði Eiður Gauti Sæbjörnsson metin eftir frábæra skyndisókn.

Guðmundur Tyrfingsson fékk gullið tækifæri til að jafna metin undir lok fyrri hálfleiks en skotið af stuttu færi vel yfir markið.

Bæði lið fengu frábær tækifæri til að bæta við marki í seinni hálfleik en það var enginn annar en Eyþór Aron Wöhler, fyrrum leikmaður KR, sem tryggði Fylkismönnum dramatískan sigur og sæti í úrslitum.

„Fylkismenn sækja hratt Theodór kemur með laglega stutta sendingu inn fyrir á Eyþór. Hann er þá einn gegn markmanni og hann klárar virkilega snyrtilega framhjá Halldóri!" Skrifaði Haraldur Örn Haraldsson í textalýsingunni.

Fylkir mætir annað hvort ÍR eða Val en þau mætast í undanúrslitum á þriðjudaginn.

Fylkir Ólafur Kristófer Helgason (m), Ragnar Bragi Sveinsson, Ásgeir Eyþórsson, Orri Sveinn Segatta, Eyþór Aron Wöhler, Bjarki Steinsen Arnarsson, Guðmar Gauti Sævarsson, Theodór Ingi Óskarsson, Emil Ásmundsson, Arnar Númi Gíslason, Guðmundur Tyrfingsson
Varamenn Ívar Hrafn Atlason, Daði Ólafsson, Benedikt Daríus Garðarsson, Eyjólfur Andri Sverrisson, Jóel Baldursson, Þorkell Víkingsson, Hilmar Þór Kjærnested Helgason (m)

KR Halldór Snær Georgsson (m), Júlíus Mar Júlíusson, Jóhannes Kristinn Bjarnason, Finnur Tómas Pálmason, Stefán Árni Geirsson, Eiður Gauti Sæbjörnsson, Matthias Præst Nielsen, Vicente Rafael Valor Martínez, Gabríel Hrannar Eyjólfsson, Róbert Elís Hlynsson, Hjalti Sigurðsson
Varamenn Alexander Rafn Pálmason, Gyrðir Hrafn Guðbrandsson, Óliver Dagur Thorlacius, Ástbjörn Þórðarson, Kristófer Orri Pétursson, Jón Arnar Sigurðsson, Sigurpáll Sören Ingólfsson (m)