Barcelona 2 - 8 FC Bayern
0-1 Thomas Müller ('4)
1-1 David Alaba ('7, sjálfsmark)
1-2 Ivan Perisic ('22)
1-3 Serge Gnabry ('28)
1-4 Thomas Müller ('31)
2-4 Luis Suarez ('57)
2-5 Joshua Kimmich ('63)
2-6 Robert Lewandowski ('82)
2-7 Philippe Coutinho ('85)
2-8 Philippe Coutinho ('89)
0-1 Thomas Müller ('4)
1-1 David Alaba ('7, sjálfsmark)
1-2 Ivan Perisic ('22)
1-3 Serge Gnabry ('28)
1-4 Thomas Müller ('31)
2-4 Luis Suarez ('57)
2-5 Joshua Kimmich ('63)
2-6 Robert Lewandowski ('82)
2-7 Philippe Coutinho ('85)
2-8 Philippe Coutinho ('89)
Barcelona og Bayern München mættust í 8-liða úrslitum Meistaradeildarinnar í kvöld og var mikil pressa á Quique Setien og lærisveinum hans í liði Börsunga fyrir leikinn.
Leikurinn var gríðarlega fjörugur og voru Þýskalandsmeistararnir mikið betri heldur en andstæðingarnir úr spænska boltanum.
Thomas Müller gerði fyrsta mark leiksins strax á fjórðu mínútu en Barca jafnaði skömmu síðar, þökk sé sjálfsmarki h já David Alaba. Varnarmaðurinn kláraði góða fyrirgjöf með skrautlegu marki.
Bæjarar komust aftur yfir með marki frá Ivan Perisic á 22. mínútu og því fylgdu mörk frá Serge Gnabry og annað frá Müller. Staðan því orðin 1-4 í hálfleik.
Síðari hálfleikurinn var áfram fjörugur og minnkaði Luis Suarez muninn á 57. mínútu. Börsungar sáu ljósið en Joshua Kimmich var snöggur að slökkva á því með laglegu marki eftir glæsilegan undirbúning frá Alphonso Davies sem átti stórleik í vinstri bakverðinum.
Robert Lewandowski komst loks á blað á 82. mínútu og kom Philippe Coutinho, lánsmaðurinn frá Barca, inn af bekknum þegar stundarfjórðungur var eftir og skoraði tvennu á lokakaflanum.
Lokatölur urðu því 2-8 fyrir Bayern München og svo gott sem öruggt að Quique Setien þjálfari Barca verði rekinn eftir leikinn.
Bayern mætir annað hvort Manchester City eða Lyon í undanúrslitum.
Leipzig og PSG mætast í hinum undanúrslitaleiknum.
Athugasemdir