Hvaða liði mætir Ísland?
Eftir að Tyrkir náðu stigi gegn Frökkum í París í kvöld er líklegt að Ísland fari í umspil um sæti á EM í lok mars á næsta ári. Umspilið tengist Þjóðadeildinni þar sem Ísland var í A-deild í fyrra.
Samkvæmt heimildum Fótbolta.net er stefnt á að spila leikinn í mars á Laugardalsvelli, þrátt fyrir sögusagnir um að Ísland þurfi mögulega að skipta um heimavöll og spila erlendis.
KSÍ ku vera að undirbúa að spila á Laugardalsvelli og í því samhengi er stefnt á að fá hitapylsu, eða hitadúk, yfir grasið á Laugardalsvelli.
Slíkt hið sama var gert fyrir leikinn gegn Króatíu í umspili um sæti á HM en sá leikur fór fram 15. nóvember árið 2013.
Með þessu móti er tryggt að leikurinn geti farið fram á vellinum þó svo hiti fari vel niður fyrir frostmark. Hita er dælt undir dúkinn sem þannig heldur hita á vellinum og kemur í veg fyrir frost í jörðu.
Samkvæmt heimildum Fótbolta.net er stefnt á að spila leikinn í mars á Laugardalsvelli, þrátt fyrir sögusagnir um að Ísland þurfi mögulega að skipta um heimavöll og spila erlendis.
KSÍ ku vera að undirbúa að spila á Laugardalsvelli og í því samhengi er stefnt á að fá hitapylsu, eða hitadúk, yfir grasið á Laugardalsvelli.
Slíkt hið sama var gert fyrir leikinn gegn Króatíu í umspili um sæti á HM en sá leikur fór fram 15. nóvember árið 2013.
Með þessu móti er tryggt að leikurinn geti farið fram á vellinum þó svo hiti fari vel niður fyrir frostmark. Hita er dælt undir dúkinn sem þannig heldur hita á vellinum og kemur í veg fyrir frost í jörðu.
Eins og staðan er í dag mætir Ísland annað hvort Búlgaríu, Ísrael eða Rúmeníu á Laugardalsvelli þann 26. mars. Sigurvegarinn úr þeim leik spilar síðan úrslitaleik um sæti á EM þann 31. mars.
Sviss, sem var með Íslandi í A-deild Þjóðadeildarinnar, gæti ennþá farið í umspilið en liðið mætir Írum í lykilleik á morgun. Ef Sviss vinnur þann leik er liðið komið í lykilstöðu til að fara beint á EM í næsta mánuði.
Dregið verður í Þjóðadeildarumspilið 22. nóvember næstkomandi eftir að undankeppni EM lýkur.
Nánar var rætt um umspilið Í Innkastinu í kvöld en hægt er að hlusta á það hér að neðan.
Athugasemdir