Njarðvík hefur styrkt leikmannahóp sinn fyrir næstu leiktíð með því að semja við Magnús Þóri Matthíasson.
Magnús er öflugur leikmaður sem spilar framarlega á vellinum. Hann kemur til Njarðvíkur frá Reyni Sandgerði.
Magnús, sem er 31 árs, hefur spilað 304 leiki á sínum meistaraflokksferli með Keflavík, Fylki, Víði Garði, Kórdrengjum og Reyni.
„Það er okkur Njarðvíkingum mjög mikill fengur að fá Magnús í okkar raðir og mun reynsla hans án efa nýtast okkur vel á komandi tímabili," segir í tilkynningu Njarðvíkur.
Athugasemdir