Kantmaðurinn efnilegi Axel Sigurðarson mun leika fyrir Gróttu á láni frá KR næsta sumar.
Axel er fæddur 1998 og hefur þokkalega reynslu úr Inkasso-deildinni eftir síðustu keppnistímabil. Í fyrra lék hann 8 leiki fyrir HK og í ár gerði hann 3 mörk í 19 leikjum með ÍR sem féll um deild.
Hann er uppalinn KR-ingur og á sjö keppnisleiki að baki með meistaraflokki.
Grótta komst upp úr 2. deild í sumar og mun því leika í Inkasso-deildinni aftur eftir að hafa fallið í fyrra.
Seltirningar ætla sér stóra hluti næsta sumar og eru einnig búnir að styrkja sig með varnarmanninum Bjarka Leóssyni og miðjumanninum öfluga Óliver Degi Thorlacius, sem átti frábært sumar í 2. deildinni.
Athugasemdir