Martin O'Neill er tekinn við Nottingham Forest eftir að Aitor Karanka sagði starfi sínu lausu í síðustu viku.
O'Neill er reynslumikill þjálfari en hann hefur komið víða við á ferli sínum. Hann hefur þjálfað lið á borð við Leicester, Celtic, Aston Villa, Sunderland og nú síðast írska landsliðið.
Hann kom Írum í 16-liða úrslit á EM í Frakklandi árið 2016 en liðið komst upp úr riðli með Belgum og Ítölum.
O'Neill lék í tíu ár með Nottinham Forest á sínum ferli sem knattspyrnumaður og má því með sanni segja að hann sé kominn "heim".
Hann lék 285 leiki með liðinu á árunum 1971 til 1981.
Nottingham Forest situr í níunda sæti Championship deildarinnar en kröfurnar voru mun meiri fyrir tímabilið.
Athugasemdir
