Björn Axel Guðjónsson er genginn til liðs við Gróttu frá KV en þetta kemur fram í tilkynningu frá Gróttu í kvöld.
Björn Axel er fæddur árið 1994 og uppalinn í Gróttu en hann hefur spilað síðustu tvö tímabil með KV.
Hann skoraði 10 mörk í 18 leikjum fyrir KV í 3. deildinni á síðustu leiktíð er KV flaug upp í 2. deildina.
Hann á að baki 20 leiki og 4 mörk í deild- og bikar með Gróttu en auk þess hefur hann spilað með Njarðvík, KFS og KFR.
Björn er nú genginn til liðs við uppeldisfélagið og mun spila með liðinu í Lengjudeildinni en liðið féll úr Pepsi Max-deildinni á síðustu leiktíð.
Björn Axel hefur snúið aftur í sitt uppeldisfélag en hann skrifaði á dögunum undir samning um að leika með Gróttu á komandi keppnistímabili. Björn Axel er 27 ára sóknarmaður sem á að baki 73 leiki í meistaraflokki og hefur skorað í þeim 35 mörk, þar af 20 leiki fyrir Gróttu. pic.twitter.com/kU8HvC8M9x
— Grótta knattspyrna (@Grottasport) February 15, 2021
Athugasemdir