Zoran Mamic er búinn að segja starfi sínu lausu sem aðalþjálfari meistaraflokks Dinamo Zagreb í Króatíu.
Mamic var dæmdur til tæplega fimm ára fangelsisvistar í stóru mútumáli í Króatíu.
Króatíski fótboltasnillingurinn Luka Modric var einnig viðriðinn málið en sýknaður fyrir rúmum tveimur árum.
Dinamo Zagreb er besta liðið í Króatíu og trónir á toppi deildarinnar með tveggja stiga forystu á næsta lið og leik til góða. Þá á liðið erfiðan leik við Tottenham Hotspur í útsláttarkeppni Evrópudeildarinnar á fimmtudaginn.
Athugasemdir