Championship: Coventry með sigur í fallbaráttuslag

Einn leikur var á dagskrá í ensku Championship deildinni í kvöld.

Rotherham, sem er í fallsæti, fékk Coventry í heimsókn en einungis munaði þremur stigum á liðunum fyrir leikinn í kvöld.

Leo Ostigard reyndist hetja gestanna en hann skoraði eina mark leiksins á 70. mínútu og tryggði því Coventry gífurlega mikilvægan sigur.

Coventry er nú komið sex stigum frá Rotherham en Rotherham á hins vegar tvo leiki til góða á flest lið deildarinnar og því allt ennþá galopið í fallbaráttunni.

Á morgun eru tveir leikir á dagskrá. Blackburn fær Derby í heimsókn og þá mætast Reading og Cardiff.