England: West Ham tapaði dýrmætum stigum

West Ham tapaði dýrmætum stigum í ensku úrvalsdeildinni í kvöld og er að misstíga sig á versta tíma.

West Ham gat komist upp í fimmta sæti deildarinnar með sigri á Brighton í kvöld og hefði verið þremur stigum frá Meistaradeildarsæti.

Gestirnir frá London þurftu hins vegar að sætta sig við eitt stig gegn Brighton sem hafði litlu að keppa nema stoltinu.

Danny Welbeck skoraði fyrsta mark leiksins á 84. mínútu fyrir Brighton og útlitið svart fyrir þá bláklæddu.

Stuttu seinna jafnaði Said Benrahma þó metin fyrir West Ham og skoraði um leið sitt fyrsta mark fyrir félagið.

Jafnteflið þýðir að West Ham er með 59 stig í sjötta sætinu, þremur stigum á undan Tottenham og Everton sem eiga leik til góða.