Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 15. maí 2022 09:00
Brynjar Ingi Erluson
„Þetta var svona 50 prósent mér að kenna"
Edouard Mendy giskaði á rétt horn hjá Mané
Edouard Mendy giskaði á rétt horn hjá Mané
Mynd: EPA
Edouard Mendy, markvörður Chelsea, varði eina vítaspyrnu í tapinu gegn Liverpool í úrslitum enska bikarsins í gær, en hann varði þá frá landa sínum, Sadio Mané.

Mané tók fimmtu spyrnu Liverpool í vítakeppninni en hann hefði getað tryggt liðinu sigur.

Hann mætti þar Mendy en þeir þekkjast ansi vel og hafa spilað með senegalska landsliðinu síðustu ár.

Mendy las Mané og varði frá honum en Jürgen Klopp tekur hluta af sökinni á sig.

„Ég tek að minnsta kosti 50 prósent ábyrgð á vítinu hans Sadio, því maður verður að leyfa strákunum að gera það sem þeir hafa tilfinningu fyrir. Ég sagði við Sadio: Hann þekkir þig mjög vel, þannig gerðu öfugt við það sem hann heldur að þú gerir," sagði Klopp.

Athugasemdir
banner
banner
banner
banner