Elvar Geir Magnússon og Tómas Þór Þórðarson gerðu upp magnaða undankeppni HM í útvarpsþættinum Fótbolti.net á X977.
Íslendingar náðu að vinna sterkan riðil sinn og tryggja sér farseðilinn á HM í Rússlandi.
Elvar og Tómas fóru yfir meðaleinkunnir leikmanna Íslands í undankeppninni og komust að því hver var besti leikmaður okkar liðs í riðlinum.
Íslendingar náðu að vinna sterkan riðil sinn og tryggja sér farseðilinn á HM í Rússlandi.
Elvar og Tómas fóru yfir meðaleinkunnir leikmanna Íslands í undankeppninni og komust að því hver var besti leikmaður okkar liðs í riðlinum.
Niðurstaðan kemur ekki á óvart en þriðju undankeppnina í röð var Gylfi Þór Sigurðsson okkar besti maður. Fótbolti.net gefur einkunnir eftir alla landsleiki.
Einu sinni var gefið 10 í undankeppninni en Jón Daði Böðvarsson fékk fullt hús fyrir sigurleikinn gegn Tyrklandi í Eskisehir. Gylfi Þór Sigurðsson, Birkir Bjarnason, Aron Einar Gunnarsson og Jóhann Berg Guðmundsson afrekuðu að fá 9 oftar en einu sinni.
Lægsta einkunn sem gefin var er 3 en þá einkunn fékk Birkir Már Sævarsson í sigrinum gegn Finnlandi á Laugardalsvelli og Rúrik Gíslason eftir tapið í Finnlandi.
Einkunnir Íslands:
Gylfi Þór Sigurðsson 7,6
Aron Einar Gunnarsson 7,3
Kári Árnason 7,3
Jóhann Berg Guðmundsson 7,2
Ragnar Sigurðsson 7,2
Birkir Bjarnason 6,9
Hörður Björgvin Magnússon 6,9
Hannes Þór Halldórsson 6,8
Alfreð Finnbogason 6,7
Jón Daði Böðvarsson 6,7
Emil Hallfreðsson 6,6
Birkir Már Sævarsson 6,5
Björn Bergmann Sigurðarson 6
Ari Freyr Skúlason 5,5
*Á listanum eru leikmenn sem fengu einkunnir fyrir 4 leiki eða fleiri.
*Spila þarf a.m.k. 20 mín í leik til að fá einkunn
Leikmenn sem fengu einkunnir fyrir 2 leiki:
Sverrir Ingi Ingason 8,5
Theodór Elmar Bjarnason 7
Viðar Örn Kjartansson 6
*Arnór Ingvi Traustason (7), Ögmundur Kristinsson (5) og Rúrik Gíslason (3) fengu aðeins einkunn í einum leik.
Athugasemdir