Balotelli er fáanlegur á frjálsri sölu eftir aðeins eitt tímabil hjá Brescia. Hann lenti í deilum við æðstu menn félagsins og var samningi hans rift.

Balotelli skoraði fimm mörk í nítján leikjum fyrir Brescia í ítölslu A-deildinni á síðustu leiktíð, en félagið féll úr deild þeirra bestu.

Þessi þrítugi sóknarmaður hefur verið orðaður við ýmislegt, en hann hefur ekki skrifað undir neins staðar til þessa.

„Ég mun skrifa undir eftir nokkrar vikur, ekki hafa áhyggjur," sagði Balotelli.

Balotelli hefur í gegnum tíðina verið þekktur fyrir að vera mikill vandræðagemsi.