„Það hefur verið nóg að gera síðustu sjö daga. Ég er mjög ánægður með að vera kominn aftur í starf og stýra Norwich City í ensku úrvalsdeildinni," segir Smith.

„Það hefur verið unnið frábært starf hjá þessu félagi síðustu fjögur og hálft ár. Nú er það verkefni hjá mér og Craig að halda áfram að bæta það starf og stefna á það markmið að halda liðinu í ensku úrvalsdeildinni."

Fyrsti leikur Smith við stjórnvölinn verður heimaleikur gegn Southampton eftir fimm daga.

Hann verður þar með fyrsti stjórinn sem stýrir tveimur leikjum í röð með sitthvoru liðinu gegn sama andstæðingi. Hann var rekinn frá Villa eftir tap gegn Southampton.

Smith gerði góða hlut á þremur árum hjá Villa. Hann stýrði liðinu upp úr Championship-deildinni og komst í úrslitaleik Carabao bikarsins.

„Frá sextán ára aldri hef ég starfað í fótboltanum. Á þeim tíma held ég að ég hafi tekið fjögurra mánaða frí og ég naut þess ekki. Það er frábært að komast strax í starf."

Daniel Farke var rekinn frá Norwich 6. nóvember eftir sigurleik gegn Brentford, það var fyrsti deildarsigur Norwich á tímabilinu. Frank Lampard var upphaflega efstur á blaði Norwich en hann dró sig svo sjálfur út úr viðræðunum.