Byrjunarlið Fulham og Chelsea: Havertz og Werner byrja ekki

Chelsea er í níunda sæti og Fulham í 18. sæti. Fulham hefur gert hvorki meira né minna en fimm jafntefli í röð og spurning hvort það sjötta komi í kvöld gegn Chelsea sem hefur átt í basli í ensku úrvalsdeildinni að undanförnu.

Byrjunarliðin eru klár fyrir leikinn. Frank Lampard, stjóri Chelsea, gerir sjö breytingar frá 4-0 sigrinum á Morecambe í FA-bikarnum. Cesar Azpilicueta, Antonio Rudiger, Mason Mount og Hakim Ziyech halda allir sæti sínu. Olivier Giroud, Christian Pulisic og Thiago Silva eru á meðal þeirra sem koma inn.

Timo Werner og Kai Havertz byrja báðir á varamannabekknum hjá Chelsea.

Fulham gerir eina breytingu frá jafnteflinu gegn Tottenham í síðasta leiki. Ruben Loftus-Cheek má ekki spila á móti liðinu sem hann er í láni frá og kemur Ademola Lookman inn fyrir hann.

Byrjunarlið Fulham: Areola, Tete, Aina, Andersen, Adarabioyo, Robinson, Reed, Anguissa, Dercordova-Reid, Lookman, Cavaleiro.
(Varamenn: Rodak, Hector, Odoi, Kebano, Ream, Bryan, Onomah, Kamara)

Byrjunarlið Chelsea: Mendy, Azpilicueta, Thiago Silva, Rudiger, Chilwell, Jorginho, Kovacic, Mount, Ziyech, Pulisic, Giroud.
(Varamenn: Arrizabalaga, Abraham, Werner, Zouma, Hudson-Odoi, Gilmour, James, Havertz, Emerson)

Leikir kvöldsins:
17:30 Fulham - Chelsea
20:00 Leicester - Southampton