sun 16. janúar 2022 13:11
Brynjar Ingi Erluson
Helga Guðrún á leið til Trikala í Grikklandi
Helga Guðrún er á leið í ævintýri til Grikklands
Helga Guðrún er á leið í ævintýri til Grikklands
Mynd: Fótbolti.net - Hafliði Breiðfjörð
Helga Guðrún Kristinsdóttir, leikmaður Stjörnunnar, er að ganga til liðs við Trikala í Grikklandi.

Helga er 24 ára gömul og uppalin í Grindavík en hún samdi við Stjörnuna árið 2018. Hún hefur spilað sem vængbakvörður fyrir Stjörnuna og Grindavík en getur einnig leikið stöðu sóknarmanns.

Hún var á láni hjá Grindavík á síðasta tímabili og skoraði 3 mörk í 10 leikjum í Lengjudeildinni.

Helga er nú á leið til Grikklands og mun semja við Trikala í grísku úrvalsdeildinni.

Trikala er í 2. sæti grísku deildarinnar með 18 stig eftir átta leiki, sex stigum frá toppliði PAOK.
Athugasemdir
banner
banner
banner
banner