Sunderland í úrslit umspilsins í ensku C-deildinni

Sunderland mun spila í úrslitum umspilsins í ensku C-deildinni eftir markalaust jafntefli gegn Portsmouth í kvöld.

Fyrri leikurinn, sem var á Leikvangi ljósanna, heimavelli Sunderland, endaði með 1-0 sigri Sunderland.

Svo fór að það var ekkert skorað á Fratton Park í kvöld. Portsmouth átti fleiri marktilraunir en engin þeirra rataði í markið. Lokatölur því 0-0 í þessum leik.

Sunderland á því möguleika á að fara beint aftur upp í Championship-deildina. Liðið mun annað hvort mæta Charlton eða Doncaster í úrslitunum. Portsmouth verður áfram í C-deild.

Luton og Barnsley eru nú þegar komin upp í Championship-deildina.