„Ég var mjög ósáttur með fyrri hálfleikinn hjá okkur. Spilamennskan var ekki góð hjá okkur en við bættum hana í seinni hálfleik fannst mér miklu betur.“ sagði Pétur Pétursson, þjálfari Vals, eftir góðan 4-1 sigur á Fylki í Árbænum í dag.
Lestu um leikinn: Fylkir 1 - 4 Valur
Staðan á hóp Vals er mjög góð í dag og það eru nokkrir leikmenn að koma til baka úr meiðslum.
„Við erum á fínum stað. Staðan á hópnum er nokkuð góð. Það eru leikmenn að koma til baka sem er gott. Staðan er bara nokkuð góð í dag á hópnum.“
Pétur talaði aðeins meira um hvað hann var ósáttastur við í fyrri hálfleiknum.
„Það sem ég var ósáttastur við í fyrri hálfleik var að sendingarnar okkar fóru ekki saman. Það var það sem ég var óánægður með. Það gerðum við hins vegar betur í seinni hálfleik.“
Næsti leikur Vals er gegn FH á heimavelli. Pétur talar um að það verði erfiður leikur fyrir Val að vinna.
„Þetta er það sama sem ég hef sagt við ykkur áður. Þetta er ekkert auðvelt. Þetta eru erfiðir leikir að vinna. Það verður erfitt að vinna FH-inga.“ sagði Pétur að lokum að leik loknum.
Viðtalið við Pétur má sjá í heild sinni í spilaranum hér að ofan.
