Unnar Þór Garðarson
„Úrslitin endurspegla engan veginn gang leiksins myndi ég segja. Við spiluðum virkilega góðan leik, kannski hálfskrýtið að segja það hérna að þetta hafi verið besti leikurinn okkar í sumar.“
Sagði Unnar Þór Garðarson annar þjálfara ÍA við fréttaritara Fótbolta.net eftir 1-3 tap ÍA gegn Keflavík í kvöld.
Sagði Unnar Þór Garðarson annar þjálfara ÍA við fréttaritara Fótbolta.net eftir 1-3 tap ÍA gegn Keflavík í kvöld.
Lestu um leikinn: Keflavík 3 - 1 ÍA
Það má alveg færa rök fyrir því að úrslit leiksins séu ekki í takti við gang hans en sem dæmi fékk ÍA 14 hornspyrnur í leiknum gegn 3 Keflavíkur. Um þetta sagði Unnar.
„Ótrúlegur fjöldi af hornum sem við náum ekki að nýta okkur en það er bara áfram gakk í því og við auðvitað vinnum í því sem við þurfum að gera. Það er stutt í næsta leik og við verðum bara að taka þetta með okkur og fara í þann leik á fullu eins og við gerðum í kvöld.“
Tapið í kvöld var það fyrsta hjá ÍA í deildinni en fimm lið voru taplaus í deildinni fyrir þessa umferð. Er það ekki bara nokkuð gott?
„Það er rétt þetta er fyrsta tapið okkar og ótrúlega svekkjandi að það komi í besta leiknum í sumar en við tökum ekkert frá Keflavík með það. Þær nýttu færin sem þær fengu og við fáum þessi þrjú mörk á okkur en ótrúlega stoltur af stelpunum þær stóðu sig virkilega vel í þessum leik.“
Allt viðtalið má sjá hér að ofan.
Athugasemdir
