Tottenham er búið að staðfesta kaupin á Destiny Udogie, 19 ára vinstri bakverði Udinese sem fer aftur til ítalska félagsins að láni út tímabilið.
Antonio Conte hefur miklar mætur á Udogie sem sprakk út í Serie A á síðustu leiktíð þar sem hann skoraði 5 mörk í 35 leikjum með Udinese.
Udogie er afar öflugur, sterkur og snöggur leikmaður sem á rúmlega 30 leiki að baki fyrir yngri landslið Ítalíu.
Tottenham er talið borga um 20 milljónir punda fyrir Udogie sem skrifar undir samning til 2027. Hann mun koma í hópinn hjá Tottenham fyrir næstu leiktíð og berjast við Ryan Sessegnon og Ivan Perisic um byrjunarliðssæti.
Introducing our seventh summer signing... 🔥 pic.twitter.com/X4nwdESMQr
— Tottenham Hotspur (@SpursOfficial) August 16, 2022
Athugasemdir