U15 stelpurnar rúlluðu yfir Færeyjar

Stelpurnar í U15 ára landsliði kvenna heimsóttu Færeyjar og unnu stórsigur í æfingaleik í dag.

Liðin mætast í tveimur æfingaleikjum rétt eins og strákaliðin í sama aldursflokki.

Íslensku strákarnir unnu 4-0 fyrr í dag og reyndist það gott viðmið fyrir stelpurnar sem unnu glæsilegan 5-1 sigur.

Katla Guðmundsdóttir var atkvæðamest í liði Íslands með tvennu og þá skoruðu Ragnheiður Þórunn Jónsdóttir, Rakel Eva Bjarnadóttir og Berglind Freyja Hlynsdóttir allar eitt mark.

Liðin mætast öðru sinni á fimmtudag kl. 14:00 á Tórsvelli í Tórshavn.