Ragnar Sigurðsson lék allan leikinn í vörninni hjá Rostov þegar liðið lagði Akhmat Grozny að velli.
Odise Roshi, sem kom inn á sem varamaður þegar Albanía vann 4-2 sigur á Íslandi í síðustu viku, kom Akhmat Grozny yfir á 19. mínútu úr vítaspyrnu. Gestirnir í Grozny voru yfir í hálfleik.
Rostov byrjaði seinni hálfleikinn vel og jafnaði á 54. mínútu leiksins. Tíu mínútum eftir jöfnunarmarkið komst Rostov svo yfir, 2-1. Rostov komst yfir á 64. mínútu, en tveimur mínútum áður missti Grozny mann af velli með rautt spjald.
Þar við sat, mörkin urðu ekki fleiri og 2-1 sigur Rostov því staðreynd.
Með þessum sigri fer Rostov upp að hlið Zenit og Krasnodar á toppi deildarinnar. Öll liðin eru með 20 stig eftir níu leiki.
Björn Bergmann Sigurðarson var ekki í leikmannahópi Rostov í kvöld.
Athugasemdir