Helgi Snær og Arnar Halls.
ÍR tilkynnti í dag á Facebook-síðu sinni að Helgi Snær Agnarsson væri orðinn leikmaður félagsins. Helgi Snær er 22 ára leikmaður sem getur leyst margar stöður á vellinum. Hann er uppalinn í Stjörnunni en skipti yfir í Fjölni í 2. flokki.
Hann steig sín fyrstu skref í meistaraflokki með Vængjum Júpíters tímabilið 2018. Tímabilið 2020 lék hann með Magna á Grenivík og fyrir síðasta tímabil var hann ráðinn spilandi þjálfari Einherja á Vopnafirði. Helgi var látinn fara um mitt sumar og lék með Fjölni seinni hluta sumars.
Viðtal við Helga má sjá hér að neðan en þar kemur hann til dæmis inn á það að hann spilar alltaf í treyju númer 80.
ÍR greindi þá frá því fyrr í þessum mánuði að Guðjón Máni Magnússon hefði skrifað undir samning við félagið en hann kemur frá Haukum.
Guðjón er uppalinn hjá HK og Breiðabliki og steig sín fyrstu skref í meistaraflokki með Augnabliki tímabilið 2018. Tímabilin 2019 og 2020 lék hann með Fjarðabyggð og í sumar lék hann með Haukum.
Athugasemdir
