Það eru enn tveir leikir eftir í sextándu umferð ítalska deildartímabilsins og fer annar þeirra fram í kvöld.

Cagliari tekur þar á móti Lazio í hörkuslag í Sardiníu. Aðeins fjögur stig skilja liðin að í baráttunni um Meistaradeildarsæti.

Cagliari hefur reynst spútnik lið fyrri hluta tímabils á meðan Lazio er á gríðarlegri siglingu og er búið að vinna síðustu sjö leiki sína í röð, þar á meðal 3-1 gegn Ítalíumeisturum Juventus í síðustu umferð.

Heimamenn eru að glíma við meiðsli og verða án Valter Birsa, Leonardo Pavoletti og Marko Rog auk markvarðanna Alessio Cragno og Robin Olsen. Adam Marusic er fjarri góðu gamni í liði gestanna.

Hægt er að reikna með fjörugum markaleik. Hér eru að mætast tvö af fjórum liðum deildarinnar sem hefur tekist að skora meira en 30 deildarmörk það sem af er tímabils.

Leikur kvöldsins:
19:45 Cagliari - Lazio

Tweet

Senda a Facebook Hafdu samband Senda frétt Prenta frétt Frétta leit