Sextánda umferð ensku úrvalsdeildarinnar kláraðist í gær. Troy Deeney sérfræðingur BBC sér um að velja úrvalslið vikunnar. Arsenal vann nauman sigur á Úlfunum og er áfram á toppnum en Manchester City og Aston Villa halda áfram að elta.
Markvörður: Bernd Leno (Fulham) - Hafði nóg að gera í 3-2 sigrinum gegn Burnley og átti virkilega góðar vörslur.
Varnarmaður: Malo Gusto (Chelsea) - Átti flottan leik og skoraði í sigri gegn Everton.
Varnarmaður: Nordi Mukiele (Sunderland) - Hélt Anthony Gordon niðri þegar Sunderland vann grannaslaginn gegn Newcastle.
Varnarmaður: Calvin Bassey (Fulham) - Leggur sig alltaf allan fram og uppskar mark gegn Burnley.
Varnarmaður: Ibrahima Konate (Liverpool) - Fengið gagnrýni en steig upp þegar Liverpool vann Brighton.
Miðjumaður: Bruno Fernandes (Manchester United) - Það var boðið upp á hörmulegan varnarleik í 4-4 jafnefli United gegn Bournemouth en Bruno átti stoðsendingu og skoraði frábært aukaspyrnumark.
Miðjumaður: Ibrahim Sangare (Nottingham Forest) - Mark og tvær stoðsendingar í 3-0 sigri á Spurs. Frammistaða Tottenham var til skammar.
Sóknarmaður: Callum Hudson-Odoi (Nottingham Forest) - Skoraði tvö gegn Spurs.
Sóknarmaður: Hugo Ekitike (Liverpool) - Frábær kaup, þessi strákur kann að skora mörk. Skoraði bæði mörkin gegn Brighton.
Sóknarmaður: Morgan Rogers (Aston Villa) - Hetjan gegn West Ham. Skoraði tvö geggjuð mörk.
Sóknarmaður: Harry Wilson (Fulham) - Mark og tvær stoðsendingar gegn Burnley.
Stjórinn: Arne Slot (Liverpool) - Svakaleg pressa á honum og Liverpool en sigur gegn Brighton 2-0. Rosalega mikilvægur sigur.
Athugasemdir
