35 ára gamall stuðningsmaður Tottenham hefur verið ákærður fyrir að sparka í Aaron Ramsdale markmann Arsenal eftir viðureign liðanna um helgina.
Stuðningsmenn Tottenham höfðu verið að ögra Ramsdale og hann svaraði í sömu mynt eftir að flautað hafði verið til leiksloka þegar í ljós kom að Arsenal hafði unnið leikinn.
Richarlison leikmaður Tottenham var ekki ánægður með þessi viðbrögð Ramsdale og lét hann heyra það, á meðan fór Ramsdale og náði í vatnsbrúsa fyrir aftan markið og í leiðinni fékk hann spark frá aðdáanda Tottenham í bakið.
Þessi stuðningsmaður fer fyrir rétti þann 17. febrúar.
Þá er hann einnig ákærður fyrir að fara inn á og kasta flugeld inn á völlinn.
Athugasemdir
