Kanadíski framherjinn Christabel Oduro hefur samið við Grindavík um að leika með liðinu í Lengjudeild kvenna í sumar.
Christabel er 28 ára gömul og á að baki 5 landsleiki með Kanada.
Auk þess að hafa leikið í heimalandi sínu Kanada þá hefur Christabel einnig leikið í sterkum deildum í Bandaríkjunum, Þýskalandi, Ísrael og Svíþjóð. Nú síðast lék hún með félaginu Birkirkara á Möltu.
„Christabel er reynslumikill framherji, snögg og kröftug. Knattspyrnudeild Grindavíkur býður hana velkomna til félagsins og væntum við mikils af henni," segir á Twitter síðu Grindavíkur.
Grindavík komst upp úr 2. deildinni á síðasta tímabili.
Athugasemdir