ÍBV hefur samið við Delaney Baie Pridham, 23 ára sóknarmann sem kemur frá Bandaríkjunum fyrir keppni í Pepsi Max-deild kvenna í sumar.
Ásamt því að vera sóknarmaður getur Delaney leikið á miðjunni.
DB, eins og hún er kölluð, hefur æft með ÍBV undanfarnar vikur og spilaði æfingaleik gegn Gróttu þar sem hún lagði upp mark.
DB spilaði fyrir DeAnza Force Youth liðið í ECNL deild Bandaríkjanna sem er sú sterkasta í yngri flokkum þar í landi. Hún spilaði seinna með háskólaliði Santa Clara, liðinu gekk ágætlega og gerðu vel í NCAA deildinni.
Hún kemur beint til ÍBV frá Santa Clara háskólanum, sem er mjög sterkur fótboltaskóli.
Athugasemdir