Sjáðu rauða spjaldið á Kristal

Í uppbótartíma í leik Víkings og Breiðabliks fékk Kristall Máni Ingason, leikmaður Víkings, beint rautt spjald.

Kristall „setti olnbogann í bringuna á Davíð" Ingvarsson eins og Damir Muminovic, leikmaður Breiðabliks komst að orði í viðtali eftir leik.

„Hann barðist mjög vel en lét skapið hlaupa með sig í gönur í lokin en ég sá þetta ekki. Þetta er hluti af lærdómnum. Þetta eru ungir leikmenn og menn eru pirraðir því menn vilja þetta svo mikið en svo sérðu þetta vera að fjara út og þá grípuru til örþrifaráða en auðvitað á hann ekki að gera svona hluti," sagði Arnar Gunnlaugsson, þjálfari Víkings eftir leikinn.