Rebekah Bass: Ég elska Vestmannaeyjar

„Við börðumst allar áfram sem lið, ef það er eitthvað við þetta félag þá er það að hvort sem við vinnum eða töpum, berjumst við saman sem lið. Við vissum að það væri mikið eftir þó við vorum 1-0 yfir\"

„Þegar það kemur rautt spjald getur tvennt gerst, liðið getur misst hausinn og gengið illa eða tekið sig til og haldið áfram og við gerðum það sem lið.\"

Eins og áður segir, skoraði hún fyrra mark ÍBV en hún átti erfitt með að rifja upp markið.

„Ég man hreinlega ekki hvað gerðist, ég var að segja við liðsfélaga mína að ég setti löppina mína út og það endaði inni en ég ætti að segja þér að ég ætlaði að gera nákvæmnlega þetta.\"

Hún talaði svo um að bikarúrslitahelgin hafi verið vonbrigði þó það hafi vissulega verið gaman að komast í úrslitaleikinn.

„Síðasta helgi var súrsæt, við komumst þangað og þetta var frábær dagur en það var erfitt að taka tapinu en við tókum okkur saman og sögðum að deildin væri aðalmálið núna.\"

Hún kann ansi mikið að meta Vestmannaeyjar.

„Þetta er búið að vera frábært, ég kem frá Leeds, og það er öðruvísi að lifa á eyjunni en ég elska eyjuna og ég elska félagið.\"

Viðtalið má sjá í heild sinni hér að ofan.