Chelsea og Liverpool halda áfram á sigurbraut og Manchester City er tveimur stigum á eftir. Manchester United og Arsenal unnu nauðsynlega sigra. Garth Crooks, sérfræðingur BBC, er búinn að velja úrvalslið helgarinnar í ensku úrvalsdeildinni.
Markvörður: David de Gea (Man Utd) - Tók mjög mikilvægar markvörslur og kom í veg fyrir að Watford næði í óverðskuldað stig.
Vörn: Joe Gomez (Liverpool) - Verður sífellt betri og gæti náð í hæstu hæðir. Átti öflugar tæklingar í sigrinum gegn Tottenham.
Miðja: Marouane Fellaini (Man Utd) - Var hreinlega magnaður gegn Watford og virtist lausnin á öllum vandamálum United!
Miðja: Ryan Fraser (Bournemout) - Tvö mörk og stoðsending í 4-2 sigri gegn Leicester. Fær þó mínus fyrir ljóta dýfu!
Sókn: Wilfried Zaha (Crystal Palace) - Sigurmark gegn Huddersfield. Er einhver leikmaður mikilvægari fyrir sitt lið?
Sókn: Marko Arnautovic (West Ham) - Hamrarnir fundu loks taktinn, unnu 3-1 útisigur gegn Everton þar sem Arnautovic og Andriy Yarmolenko voru baneitraðir.
Athugasemdir