Hjörtur Logi Valgarðsson var hetja FH í dag
„Þetta var erfiður leikur. Mér fannst við ekki byrja neitt sérstaklega vel. Þetta var mikil barátta en við vorum þéttir og vorum ekki að gefa mörg færi á okkur sem er kannski gott. Við kannski náðum ekki alveg sama krafti og í síðasta leiki en bara gríðarlega sætt að ná að klára þetta, maður var smá stressaður þarna í lokin en frábært að klára." voru fyrstu viðbrögð Hjörts Loga Valgarðssonar leikmanns FH eftir sigurinn á Víkingum í dag.
Lestu um leikinn: FH 1 - 0 Víkingur R.
Pétur Viðarsson meiddist í upphitun og Hjörtur Logi Valgarðsson kom óvænt inn í liðið og þakkaði fyrir það með sigurmarki leiksins, hvað hugsaði Hjörtur þegar hann fékk boltann inn á teig frá Herði Inga.
„Ég eiginlega bara hugsaði mest lítið, ég sá bara boltann koma þarna perfect fyrir mig og ákvað að smella þessu."
FH-ingar eru komnir upp í annað sæti eftir sigurinn í dag og hafa verið á góðu skriði undanfarið. Hvernig horfir framhaldið í deildinni við Hirti Loga?
„Við erum komnir á smá skrið núna og við ætlum að reyna halda því uppi, við höfum verið að spila vel undanfarið en aðsjálfsögðu er Valur fyrir ofan okkur en við verðum bara að focusera á að klára okkar leiki og sjá hvað gerist."
Athugasemdir
