Sterkastur í 25. umferð - Hneigðu þig drengur

„Hneigðu þig drengur, hneigðu þig," sagði Henry Birgir Gunnarsson í lýsingu á Sýn Sport þegar Gils Gíslason skoraði þrennu í 5-3 útisigri FH gegn Val á Hlíðarenda. Auk þess átti hann stoðsendingu í leiknum.

Þessi 19 ára leikmaður hefur sýnt glæsileg tilþrif á tímabilinu og er ein af lykilástæðunum fyrir bættri frammistöðu FH.

„Ég ætlaði mér að klára færin og það var fínt að ná þrennu," sagði Gils við Fótbolta.net eftir leikinn. Gils fagnaði mörkunum á hófstilltan hátt. Hafliði Breiðfjörð var með myndavélina á lofti og tók skemmtilegar myndir af Adolfi Daða Birgissyni að reyna fá Gils til að brosa eftir að hafa skorað.