fös 18. janúar 2019 16:30
Magnús Már Einarsson
Luka Jagacic í Reyni Sandgerði (Staðfest)
Mynd: Reynir S.
Reynir Sandgerði hefur gert eins árs samning við króatíska miðjumanninn Luka Jagacic.

Jagacic spilaði í fyrra með Njarðvík þar sem hann skoraði eitt mark í tuttugu leikjum í Inkasso-deildinni.

Hinn 28 ára gamli Jagacic lék einnig í næstefstu deild með Selfyssingum frá 2013 til 2015.

Samtals hefur hann skorað tíu mörk í 79 deildar og bikarleikjum á Íslandi á ferlinum.

Þá lék hann 13 leiki með yngri landsliðum Króatíu á sínum t´ma og skoraði í þeim 4 mörk.

„Stjórn knattspyrnudeildar Reynis hlakkar til samstarfsins við Luka og býður hann hjartanlega velkominn í klúbbinn," segir á Facebook síðu Reynis.

Reynir Sandgerði vann 4. deildina síðastliðið sumar og endurheimti sæti sitt í 3. deild eftir fall árið áður.
Athugasemdir
banner
banner
banner