Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 18. janúar 2021 18:45
Brynjar Ingi Erluson
Árni Vill skoraði og lagði upp í fyrsta leik með Krylia
Árni Vill byrjar vel í Rússlandi
Árni Vill byrjar vel í Rússlandi
Mynd: Kolos Kovalivka
Íslenski sóknarmaðurinn Árni Vilhjálmsson skoraði og lagði upp í 4-1 sigri Krylia Sovetov Samara á Spartak Subotica er liðin mættust í æfingaleik í dag.

Árni, sem er 26 ára gamall, er á reynslu hjá Krylia en liðið leikur í B-deildinni í Rússlandi.

Hann byrjaði á bekknum hjá liðinu gegn Subotica í dag en spilaði allan síðari hálfleikinn.

Árni kom mikið við sögu en hann lagði upp annað mark liðsins með laglegri hælsendingu áður en hann gerði fjórða markið á 90. mínútu með laglegu skoti úr teignum.

Hann hefur verið án félags síðan í september en þá yfirgaf hann úkraínska félagið Kolos Kovalivka.
Athugasemdir
banner
banner