Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   lau 18. mars 2023 19:04
Brynjar Ingi Erluson
Gaf pabba sínum dramatískt sigurmark í sextugsafmælisgjöf
Mynd: Fótbolti.net - Hafliði Breiðfjörð
Willum Þór Willumsson, leikmaður Go Ahead Eagles í Hollandi, hefur verið meiddur í síðustu leikjum en sneri aftur í dag og gerði sigurmark liðsins í 2-1 sigrinum á Utrecht í hollensku úrvalsdeildinni.

Blikinn hafði misst af fjórum af síðustu fimm leikjum liðsins vegna meiðsla.

Willum hefur verið fastamaður í Eagles-liðinu á þessu tímabili og sýndi hann af hverju þegar hann kom inn af bekknum um miðjan síðari hálfleikinn.

Staðan var 1-1 alveg fram í uppbótartíma en þá tók Willum til sinna ráða og gerði sigurmark Eagles.

Öll fjölskylda leikmannsins var á vellinum í dag en faðir hans, Willum Þór Þórsson, fagnaði sextugsafmæli sínu í gær og var þetta því ágætis afmælisgjöf frá syninum.

Þetta var fimmta mark Willums í deildinni á þessu tímabili en Eagles er í 11. sæti með 29 stig.


Athugasemdir
banner
banner
banner
banner
banner