Portúgalski sóknarmaðurinn Cristiano Ronaldo skoraði 56. aukaspyrnumark sitt á ferlinum í 2-1 sigri Al-Nassr á Abha í úrvalsdeildinni á Sádi-Arabíu í dag.
Síðasta aukaspyrnumark Ronaldo kom í 3-2 sigri Manchester United á Norwich í apríl á síðasta ári.
Mikill pirringur hefur verið í Ronaldo í síðustu leikjum enda hafði hann ekki skorað í þremur leikjum í röð.
Það breyttist hins vegar í dag. Hann skoraði úr aukaspyrnu á 78. mínútu og jafnaði metin gegn Abha áður en hann leyfði brasilíska sóknarmanninum Talisca að taka mikilvæga vítaspyrnu undir lokin sem tryggði sigurinn.
Al-Nassr er í öðru sæti deildarinnar með 49 stig og er Ronaldo nú kominn með níu mörk í deildinni.
Sjáðu aukaspyrnumark Ronaldo
Athugasemdir